eLENA softwarearen bidez itzulpen-memoriak kudeatzen dira, itzulpen-corpus eleaniztun eta paraleloa baliatuz. Segmentazio modu desberdinak onartzen ditu, eta ez dago aurrez ezarritako mugarik hizkuntza-kopuruarentzat, bezero bakoitzaren beharretara egokitzen baita.

Itzulpen-unitateen barnean hitzak edo esaldiak bila daitezke, bilaketa dokumentaleko baliabideak erabiliz, hala nola, eragile logikoak, hurbiltasunekoak eta karaktere komodinak. Bilaketaren emaitzatik itzulpen-unitateak, edo itzulitako testu osoak berreskura daitezke.

Itzulpen-corpusetik itzulpen-memoriak sortzen dira premien arabera, ondoren OLI tresnetan (Workbench, Wordfast) erabiltzeko.

eLENA aplikazioa Eusko Jaurlaritzak erosi zuen 2004an, eta gaur egun, 400 baino gehiago dira hura baliatzen duten erabiltzaileak.

Bibliografia:

URBIETA, I. (2010): “Eta itzulpen-memorien ondoren, zer?” in Senez, 39, 97-107. or.