UZEI nazioarte mailako hainbat proiektutako parte-hartzaile da:

MELIN (Minority European Languages Information Network)
http://www.bangor.ac.uk

Europako Batzordeko MLIS (MultiLingual Information Society) programatik bideratutako proiektua. Eremu urriko lau hizkuntza biltzen dituen webgunea osatzea izan zuen helburu; eta lehen fase batean hiztegi batzuk lau hizkuntzatan eskaintzea zen asmoa: irlanderaz, galeseraz, katalanez eta euskaraz.

TDCnet (European Network of Terminology Information and Documentation Centres)
http://www.tdcnet.net

MLIS programaren barruan sortua hau ere, Europa mailan "terminologiako direktorio birtuala" osatzea zuen helburu, horretarako hizkuntza-komunitate guztietako terminologiako dokumentazio-zentroak elkartuz, azpiegitura bateratua izateko.

POINTER (Proposals for an Operational Infrastructure for Terminology in Europe)
http://www.computing.surrey.ac.uk/ai/pointer

MLAP (MultiLingual Action Plan) programaren barruan, 1995ean garatua. Europa mailako terminologiako azpiegitura sendo bat osatu nahirik, galdeketak egin ziren gizarteko arlo guztietan, ondoren Europako Batzordeari emaitzak eta proposamenak eskainiz. Hizkuntza ofizialak eta erabilera-eremu urrikoak, guztiak hartu ziren kontuan.

Hain zuzen, POINTER da TDCnet-en abiapuntua.

MultiMeteo
http://www.inm.es/wwi/MultiMeteo/Multimeteo3.html

Eguraldi-iragarpen laburrak hizkuntza askotan automatikoki sortzeko burutu den ikerketa-proiektua. Iragarpenak 8 hizkuntzatan egiten dira: euskara, gaztelania, katalana, galegoa, frantsesa, ingelesa, alemana eta nederlandera. Euskarari dagokion partea, Donostiako Informatika Fakultateak eta UZEIk prestatu dute.