EUSKALTERM Terminologia Bankua
 

UZEIk sortu zuen EUSKALTERM Terminologia Bankua 1987an, ordura arte egindako hiztegi guztietako fitxa terminologikoak bateratuz.  Geroztik gaur arte UZEIk egin dituen gainerako hiztegi guztiak ere han integratu dira.

Terminologiaren zabalkundea bultzatu zuen UZEIk Bankua sortu bezain laster, teknologia berrien bidez: lehenik Minitel sisteman (1987), geroago Bideotex (1991) eta VT-100 terminalekin, eta azkenik Interneteko sarean. Alde horretatik, terminologiaren zabalkundea eta erabilera betidanik izan da UZEIren kezka.

EUSKALTERM Terminologia Banku Publiko bihurtu zen 2001ean, UZEIren eta Eusko Jaurlaritzaren arteko hitzarmen baten ondorioz. Banku hau eguneratzeko eta elikatzeko lanak UZEIk egiten ditu,  Euskaltzaindiaren arauen arabera eta normalizazio-batzordeetan hartutako erabakien arabera.

Internet bidez doan kontsulta daiteke EUSKALTERM terminologia Bankua http://www1.euskadi.net/euskalterm/indice_e.htm