MUNDUKO XVI. MASTER STADIA TXAPELKETA jokatu zen Donostian joan den abuztuaren 22tik irailaren 3a arte. Hamabost egun horietan zehar, 35 urtetik gorako 6.000 atleta aritu ziren elkarren lehian, eta horietatik ia 500 euskal atletak ziren. Garrantzi handiko txapelketa izan zen eta bertan munduko errekor ugari ondu ziren.

UZEIk ere nolabait parte hartu nahi izan zuen ekitaldi handi horretan, eta Atletismoaren Oinarrizko Lexikoa izenekoa prestatu zuen bereziki Beteranoen Txapelketarako, Kutxarekin lankidetzan. Guztira 177 termino ditu oinarrizko lexikoak, lau hizkuntzatan: euskaraz, gaztelaniaz, frantsesez eta ingelesez. Lexikoaren milaka eta milaka ale banatu zituen Kutxak egun horietan. Bertan egon ez zirenek edo ale bat eskuratzerik izan ez zutenek, hementxe dute Atletismoaren Oinarrizko Lexikoa eskura.