Aste honetan eta hurrengoan Kontxako Bandera jokatuko dela-eta, duela urte batzuk UZEIk argitaratutako bi lexiko gogora ekarri nahi ditugu. Batetik, Tostako Arraunketaren Oinarrizko Lexikoa izenekoa. Tostako arraunketan ohikoenak diren 100 termino inguru biltzen ditu: arraunlariak, ontziak, ontziaren zatiak, materiala, arraunketa-teknikak, ibilbideko elementuak, arautegiko kontzeptuak, eta abar. Eta, bestetik, oinarri-oinarrizko kontzeptuak hobeto ulertzen laguntzeko, irudi argigarriekin moldatutako Kontxako Estropadak izeneko lexikoa.

Bi lexiko horiek Kutxaren babesarekin argitaratu genituen, eta milaka ale banatu ziren estropadak ikustera gerturatu zirenen artean. Orain, berriro, denon eskura jarri ditugu, bertsio digitalean.

Hona hemen estekak:

Tostako Arraunketaren Oinarrizko Lexikoa (eu-es)

Tostako Arraunketaren Oinarrizko Lexikoa (es-eu)

Kontxako estropadak (Trainerua)

Kontxako Estropadak (Estropada-eremua)